Жанубий оператив йўналиши бошқарув гуруҳи «Термиз» дала-ўқув майдонида мажмуавий махсус тактик машқлар йўлагидаги тўсиқларни енгиб ўтиш бўйича назорат синов машғулотлари ўтказилди.
Ҳарбий хизматчиларнинг индивидуал ва касбий тайёргарлик даражасини чуқур ўрганиш, билим ва кўникмаларини ошириш, бўлинмалар сафида хизмат ўташ лаёқати, ахлоқий-руҳий сифатларини баҳолаш мақсадида ташкил этилган машғулотларда юрт посбонлари 26 та тўсиқдан иборат, узунлиги 15 километрлик махсус тўсиқлар йўлагида машқлар бажарди.