Судан Бирлашган Араб Амирликлари (БАА) билан дипломатик алоқаларни узди, бу ҳақда Суданнинг ҳукмрон Суверен кенгаши 6 май куни баёнот берди.
Сабаб — Судандаги тезкор қуролли кучларни БАА қўллашдан тўхтамаётгани.
«Мудофаа ва хавфсизлик кенгаши БААни агрессор-давлат деб эълон қилиш, дипломатик алоқаларни узиш, элчихона ва бош консулликни чақириб олишга қарор қилди», — дейилади баёнотда.
Эслатиб ўтамиз, 2023 йил апрелидан буён Судан армияси ҳамда тезкор қуролли кучлар ўртасида жанглар давом этмоқда.
