Ўзбекистонда кам таъминланган оилаларга 2025 йилнинг I чорагида 19 миллиард сўмдан ортиқ ҚҚС қайтарилди.
Солиқ қўмитасининг хабар беришича, 2023 йил 1 майдан “Ижтимоий ҳимоя ягона реестри“га киритилган жисмоний шахслар чакана савдо объектларидан айрим маҳсулотларни сотиб олганда харид суммасидан 1 фоизи миқдордаги кешбек ўрнига, 12 фоизи ҚҚС (ижтимоий кешбек) суммасини қайтариб олади.
Шу йилнинг I чорагида 168 146 нафар истеъмолчига 19,7 млрд сўмга яқин ижтимоий кешбек тўлаб берилди.
ТОП-3 ҳудудлар:
- — Тошкент шаҳри — 5,4 млрд сўм;
- — Самарқанд вилояти — 2,2 млрд сўм;
- — Тошкент вилояти — 1,8 млрд сўм.
Кешбек олиш учун Солиқ мобил иловасида харид чекининг QR-кодини сканер қилиш лозим.
