Гватемалада автобус кўприкдан қулаб тушиши оқибатида камида 51 киши ҳалок бўлди, деб хабар берди Reuters.
Сан-Агустин-Акасагуастлан шаҳридан пойтахт Гватемала шаҳрига йўл олган автобус йўл ва дарё ирмоғи устидан ўтувчи Пуэнте-Белис автомобил кўпригидан пастга тушиб кетган.
Бахтсиз ҳодиса оқибатида 36 эркак ва 15 аёл ҳалок бўлган.
Гватемала президенти Бернардо Аревало уч кунлик миллий мотам эълон қилди.
