Бу қирғинга Wharf Jeremie тўдаси етакчисининг ўз фарзандига жодугарликдан зарар етказилгани бўйича шубҳалари сабаб бўлган.
8 декабрь, якшанба куни Инсон ҳуқуқларини ҳимоя қилиш миллий тармоғи (RNDDH)нинг маълум қилишича, Гаитидаги Cité Soleil хароба туманида Wharf Jeremie тўдаси томонидан камида 110 киши ҳалок бўлган. Қиннига жиноий гуруҳ раҳбари Монел «Микано» Феликснинг фарзандига жодугарлик орқали зарар етказилганига шубҳалари сабаб бўлган.trimedat.uzПерейтиРеклама
Феликс боласининг касаллиги туфайли маслаҳат сўраган вуду руҳонийси, бир гуруҳ кекса хароба аҳолисини тўда бошлиғининг боласига жодугарлик билан зарар етказганликда айблаганидан кейин қирғин қилишни буюрди. Мачете ва пичоқлар билан қуролланган тўда аъзолари жума куни камида 60 кишини, шанба куни эса 50 кишини ўлдирган. RNDDH маълумотларига кўра, барча қурбонлар 60 ёшдан ошган. Феликснинг боласи шанба куни тушдан кейин вафот этди.
2022 йилда Монел «Мисано» Феликсга қўшни Доминикан Республикасига кириш тақиқланган. Бирлашган Миллатлар Ташкилотининг (БМТ) ҳисоб-китобларига кўра, 2024 йил октябрь ҳолатига кўра, унинг «Wharf Jeremie» тўдаси сони 300 кишини ташкил қилади.
Пойтахт Порт-о-Пренс портига яқин жойлашган Сите Солеил, аҳоли зич жойлашган, Гаитининг энг қашшоқ ва хавфли ҳудудларидан бири. Сиёсий бўлинишлар туфайли парчаланиб кетган орол давлат ҳокимияти пойтахт ва унинг атрофида қуролли тўдаларнинг кучайиб бораётган таъсирини жиловлаш учун курашмоқда. 2022 йилда мамлакат ҳукумати маҳаллий полиция учун халқаро ёрдам сўраган, бироқ 2023 йилда БМТ Хавфсизлик Кенгаши томонидан тасдиқланган миссия қисман жойлаштирилган ва жиддий ресурслар билан таъминланмаган.
