Хитойда пичоқ билан ҳужум уюштирилиши оқибатида камида 8 киши ҳалок бўлди, 17 киши жабрланди. Бу ҳақда полиция хизматига асосланиб «Синхуа» ахборот агентлиги хабар берди.
Хабарга кўра, ҳужум билим юртида рўй берган. Бахтсиз ҳодиса ҳақида ҳозирча бошқа тафсилотлар келтирилмаган.
CCTV хабарига кўраа, мудҳиш ҳодиса Уси шаҳридаги Цзяннан университетида содир бўлган.
Университетнинг ҳужумда гумон қилинган 21 ёшли талабаси Сюй Моуцзин қўлга олинган. Дастлабки маълумотларга кўра, у ўқишдан ҳайдалгани учун ўч олиш мақсадида университетга пичоқ билан келган.
