Бруклиндаги истироҳат боғларидан бирининг майсазорларида диаметри 2,5 метр бўлган ноодатий доиралар пайдо бўлди. Ушбу доиралар боғда вақт ўтказишни хоҳлаганлар учун махсус яратилди. Шу тариқа маҳаллий ҳокимият аҳолига ижтимоий масофани сақлаб туришда ёрдам кўрсатишни режалаштирган. Эслатиб ўтамиз, эпидемия бошланганидан бери шаҳарда 193 мингдан ортиқ коронавирус билан боғлиқ ҳолат қайд этилган, 15,5 мингдан ортиқ бемор касалликдан вафот этган.