Туркия Қуролли кучлари бўлинмалари икки йил муддатга Сомалида хавфсизлик фаолиятини қўллаб-қувватлаш ва терроризмга қарши курашни қўллаб-қувватлаш учун жойлаштирилиши мумкин, деб ёзади ҳукуматга яқин «Yeni Shafak» газетаси.
“Туркия ва Сомали ўртасидаги мудофаа соҳасидаги ҳамкорлик келишуви доирасида Туркия Олий Миллат Мажлисига (парламент) мамлакат қуролли кучлари бўлинмаларини Сомалида терроризм ва бошқа таҳдидларга қарши икки йил муддатга жойлаштириш таклифи юборилди. Президент Режеп Таййип Эрдўған томонидан имзоланган Туркия Буюк Миллат Мажлиси Президиумига юборилган ҳужжатда Туркия ва Сомали ўртасидаги мавжуд келишувлар доирасида хавфсизлик ва барқарорликни таъминлаш мақсадида Сомалида ўқув, ёрдам ва маслаҳатлашув тадбирлари олиб борилаётгани қайд этилган», дейилади хабарда.
Хужжатда қайд этилишича, Туркия денгиз флоти бўлинмалари берилган рухсатномалар доирасида Адан кўрфазида, Сомали қирғоқлари яқинида (Сомали ҳудудий сувлари бундан мустасно), Араб денгизи ва унга туташ ҳудудларда Туркия Олий Миллат Мажлиси томонидан 2009 йилдан бери берилган ва охирги марта 2024 йил 17 январда бир йилга узайтирилган рухсатнома асосида денгиз бандитизми, қуролли талончилик ва денгиз терроризмига қарши кураш бўйича саъй-ҳаракатларни самарали қўллаб-қувватламоқда.
