Красноярск ўлкасида 8 нафар мигрант ЙТҲга учради. РФ ИИВнинг хабар беришича, 23 ëшдан 39 ëшгача бўлган тўрт нафар чет эллик вафот этган, 3 нафар 39 ва 56 ëшли йўловчилар, ҳайдовчи жабрланган. Вафот этганлар орасида ўзбекистонлик ҳам борлиги айтилмоқда.
Муҳожирларни олиб кетаётган ҳайдовчи Кемеровога ҳаракатланаётган бўлган. Маълумотларга қараганда, “Toyota” русумли машина ҳайдовчиси ноқонуний ташиш билан шуғулланган, машина ичида керагидан ортиқ йўловчилар бўлган.
Ҳалокатда айбдор сифатида «Toyota» келтирилмоқда. Автомобил йўлнинг ҳаракатга қарши томонига чиқиб, катта тезликда юк машинасига урилган. Ҳолат юзасидан жиноий иш очилиб, 35 ëшли ҳайдовчи 2 ойга ҳибсга олинган.
