Эрондаги навбатдан ташқари президентлик сайловларининг дастлабки натижаларига кўра, ислоҳотчи Масуд Пезешкиан ва консерватор Саид Жалилий етакчилик қилмоқда. Бу ҳақда “Tasnim” агентлиги хабар берди.
Собиқ соғлиқни сақлаш вазири Масуд Пезешкиан 12 миллион овоз (жами 61 миллион сайловчи) ҳисоблаб чиқилганидан сўнг, консерватив Саид Жалилийдан ўзиб кетди.
IRIB телеканали таъкидлашича, 58 минг сайлов участкасидан 32,2 мингтасида бюллетенларни қайта кўриб чиқиш натижасида Пезешкиян 5 миллион, Миллий хавфсизлик олий кенгашидаги вакили Жалилий эса 4.875 миллион овоз олган.
Ғалаба қозониш учун номзод 50 фоиздан кўпроқ овоз олиши керак. Акс ҳолда, 5 июль куни сайловнинг иккинчи босқичи ўтказилади ва унда биринчи босқичда энг кўп овоз олган икки номзод кураш олиб боради.
Эрон Олий етакчисининг Миллий хавфсизлик олий кенгашидаги вакили Саид Жалилий, парламентнинг амалдаги спикери Муҳаммад Бағер Ғолибаф, Эрон собиқ соғлиқни сақлаш ва тиббий таълим вазири, парламент аъзоси Масуд Пезешкиан ҳамда собиқ ички ишлар вазири, дин арбоби Мустафо Пурмуҳаммадий номзоди овоз бериш жараёнига қўйилганди.
