
Чанг бўронларини камайтириш учун Сурхондарё жануби Амударё қирғоғига ҳар 300-500 метр оралиқда улкан миноралар қуриш, минораларга сув пуркагичлар ўрнатиш ва афғон шамоли келишидан 3-4 соат олдин ҳавога сув пуркаш ишларини амалга ошириш таклифи берилди.
Унда чанг-тўзон кириб келишидан олдин табиатда пастдан юқорига тортиш кучи рўй бериши, сув пуркаш орқали сув пуфакчалари ёмғир ёғиш баландлик сатҳига чиқиб, сув буғларининг томчига айланиши учун шароит яратиши айтилган.
“Чанг бўрони кириб келишидан олдин улкан миноралардаги сув пуркагичлар ёрдамида ҳавони намлантириб берсак, табиатнинг ўзи бизга чанг ўрнига ёмғирни ёғдириб беради”, – дейилади хабарда.
”Ишонаверинг, бу ғоя амалга ошса ва чанг бўрон келишидан олдин автоматик ишлаб кетса, чанг бўрон хавфини бирмунча камайтиришга эришамиз”, – деб қўшимча қилади докторант Эркин Aдулаҳатов.