ЎЗБЕКИСТОН

Тошкентдан Хитойга парвозлар бекор қилинаяпти(ми?)

Бутунжаҳон соғлиқни сақлаш ташкилоти томонидан ҳозирги кунда Хитойда аҳоли ўртасида “Коронавирус” туркумига кирувчи вирус юқиши натижасида келиб чиққан зотилжам (пневмония) касаллиги пайдо бўлгани ва тарқалаётгани эълон қилинмоқда.

Ушбу касаллик билан биринчи марта 2019 йилнинг декабр ойида Хитойнинг Ухан шаҳрига ташриф буюрган Канагава шаҳрининг 30 ёшли фуқароси касаллангани тўғрисида оммавий ахборот воситаларида хабар берилган эди.

Ҳозирда ҳам ушбу касаллик билан кўплаб давлат фуқаролари касалланаётгани тўғрисида маълумотлар тарқатилмоқда ҳамда бунинг ортидан Хитой давлатига бўлаётган кўплаб рейслар бекор қилинаётган эди.

2 февралдан эътиборан Хитойнинг “China Southern Airlines” авиакомпаниясининг “Урумчи – Тошкент” йўналиши (CZ-6029) бўйича қатновлари тўхтатилди. Мазкур рейс ҳафтада икки марта – пайшанба ва якшанба кунлари амалга оширилаётган эди.

Шунингдек, 2 февралдан бошлаб, “Zhejang Loong airlines” авиакомпаниясининг “Сиань – Тошкент” (GJ-8765) ва “Чэнду – Тошкент” (GJ-8791) йўналишлари бўйича чартер рейслари ҳам бекор қилингани хабар берилмоқда.