Денов туманида 2020 йил 18 январь куни, туманнинг “С.Оллоёр” маҳалласида яшовчи, С.Г. исмли аёл туман Ички ишлар органлари фаолиятини мувофиқлаштириш бошқармасига ариза билан мурожаат қилиб, 17 январь кунидан 18 январь кунига ўтар кечаси, яшаш уйи кириш эшиги олдида турган бозор нархи 1.500.000 сўмлик “Rembo” русумли велосипедини номаълум шахс ўғирлаб кетганлигини билдирган.
Кўрилган тезкор чоралар натижасида ушбу жиноятни туманнинг “Буюк келажак” маҳалласида яшовчи С.И. содир этганлиги аниқланиб ушланган ва ашёвий далил тегишли тартибда ҳужжатлаштириб олинган. Мазкур ҳолат юзасидан 19 январь куни С.И.га нисбатан Ўзбекистон Республикаси Жиноят кодексининг 169-моддаси 1-қисми билан жиноят иши қўзғатилган.
Сурхондарё вилояти ИИБ Ахборот хизмати
