26-июн куни Киевдаги турар жой биносига рус ракетаси келиб тушди — бир киши ҳалок бўлди, олти киши яраланди; Улар орасида Россия фуқароси ва унинг етти ёшли қизи ҳам бор. Северодонетскдаги “Азот” заводидан тинч аҳоли эвакуация қилинмоқда. Украина ҳарбий разведкаси Россия Беларусда яна ҳарбий иштирокини кучайтираётганини маълум қилди. Россия қўшинлари томонидан босиб олинган Херсон вилоятининг Каховка шаҳрида “янги маъмурият” амалдорларидан бирининг ҳаётига суиқасд уюштирилди. Унинг машинаси ёниб кетган, аёлнинг ўзи жабрланмаган. Россия мудофаа вазири Сергей Шойгу уруш бошланганидан бери биринчи марта Россия қўшинларининг Украинадаги позицияларини текширди. Медуза урушнинг 123-кунига оид суратларни тақдим этди.

Россия авиазарбаларидан кейин Киевнинг Шевченковский тумани осмонига кўтарилган тутун. Ракеталардан бири кўпқаватли турар жой биносига келиб тушди — оқибатда бинонинг юқоридаги уч қавати қисман вайрон бўлди.

Қутқарувчилар Киевнинг Шевченко туманидаги вайрон бўлган уйдан бир кишини эвакуация қилмоқда. Авиазарба оқибатида бир киши ҳалок бўлди, олти киши яраланди. Жабрланганлар орасида Россия фуқароси ва унинг етти ёшли қизи ҳам бор.

Киевга қилинган ҳужумда яраланган йигит. “Strana.UA” нашрининг қайд этишича, вайрон қилинган уй ёнида “Артем” ҳарбий заводи жойлашган — у зарба нишони бўлган бўлиши мумкин.

Қутқарувчилар Шевченко вилоятига қилинган ҳужумдан кейинги вайроналарни қисмларга ажратмоқда. Ишга Украина Фавқулодда вазиятлар давлат хизматининг 86 ходими ва 9 та техникаси жалб қилинган.

Сапёрлар Харковга тунгги ҳужумдан кейин қолган ўрани текширмоқда. Харков вилояти маъмурияти раҳбари Олег Синегубовга кўра, 26-июнга ўтар кечаси шаҳарда турар жой биноси ва тиббиёт муассасаси ўққа тутилган.

Турар жой биноси ҳовлисига снаряд тушиши оқибатида ҳосил бўлган ўра сув билан тўлган. Харков вилояти раҳбари Олег Синегубов вилоятда 4500 та бино вайрон бўлганини маълум қилди. Унга кўра, шаҳарни ўққа тутиш оқибатида 4019 та турар жой биноси, 427 та таълим муассасаси, 97 та тиббиёт муассасаси, 62 та маданият муассасаси ва 12 та саноат корхонаси вайрон қилинган.

“Азот” заводи ҳудудини тарк этган Северодонетск аҳолиси ЛХР халқ милициясининг ҳудудий мудофаа баталони командирига қараб турибди. Охирги икки кун ичида “Азот”ни 450 киши тарк этди, деди ЛХР вакиллари “ТАСС”га. “Азот”да яна қанча одам қолгани аниқ эмас. 24-июн куни Луганск вилояти расмийлари Украина қўшинларига Северодонетскни тарк этишга буйруқ берилгани ҳақида хабар қилди. Эртаси куни Россия Мудофаа вазирлиги шаҳар тўлиқ эгаллаб олинганини эълон қилди.

Фавқулодда вазиятлар хизмати ходими Баҳмутдаги фронтга яқин аҳолини эвакуация қилишдан олдин машинаси ойнасига зирҳ илмоқда. Аввалроқ Луганск вилояти раҳбари Сергей Гайдай Лисичанск—Бахмут автомобил йўлидан ўтиб бўлмаслигини, у бутунлай ўққа тутилганини айтган.

Баҳмут шаҳрида яшовчи эркак Россия аскарлари томонидан ўққа тутилган уйини кўздан кечирмоқда.

Баҳмут шаҳрида яшовчи 84 ёшли қариянинг уйини қўшнилари таъмирламоқда. Шу ва яна бир қанча уйлар 26-июн куни артиллерия ўқларидан зарар кўрган. Отишма оқибатида бир киши ҳалок бўлган.

Баҳмутда яшовчи киши дераза токчасига вазадаги гулларни қўймоқда.