Давлат активларини бошқариш агентлиги ҳамда Ахборот ва оммавий коммуникациялар агентлиги вилоят бошқармалари ҳамкорлигида журналист ва блогерлар учун Денов, Олтинсой ва Қумқўрғон туманларига пресс-тур уюштирилди.

Пресс-турда иштирокчилар “Е-аукцион” савдоси орқали сотиб олинган объектларда тадбиркорлар томонидан амалга оширилаётгани ишлар билан яқиндан танишдилар.

Жумладан, Денов туманининг “Янгиқишлоқ” маҳалласидаги Тортувли маданият маркази, “Нуристон” маҳалласидаги “Омборхона”, С.Рахимов номли махалласидаги шаҳобча бино-иншоотлари, Олтинсой туманининг “Қорлиқ” маҳалласидаги Тош майдалаш ва саралаш цехи, “Янги қурилиш” маалласидаги Ёзги клуб, Қумқўрғон туманининг С.Байматов номли махалласидаги шаҳобча бино-иншоотларининг савдога чиқарилган бошланғич нархлари ва хозирда туширилган нархлари, аукционга қатнашиш ва уларнинг сотиб олиш тартиби, эгалик ҳужжатларни расмийлаштириш ҳамда сотиб олишда берилган имтиёзлар бўйича иштирокчиларга тушунтиришлар берилди.

Денов туманидаги “Янги тараққиёт” хусусий корхонаси томонидан 1 млрд. 500 млн. сўмдан ортиқ инвестиция маблағлари ҳисобидан бино негизида тўйхона, умумий овқатланиш шахобчаси, гўзаллик салони ва бошқа маиший хизмат кўрсатиш нуқталари барпо этилгани, шунингдек, “Янги қурилиш” МФЙга янги маъмурий бино қуриб берилгани, бу ерда яратилган шароит ва қулайликлар журналист ва блогерларда катта таассурот қолдирди.