Uncategorized

Италия компанияси Сурхондарёда янги цемент заводини қуради

Сурхондарё вилояти ҳокими Тўра Боболов “Team Network” компаниясининг халқаро алоқаларни ривожлантириш масалалари бўйича директори ўринбосари Себастиано Заппала бошчилигидаги италиялик мутахассислар билан учрашди.

Италиянинг “Team Network” компанияси цемент ишлаб чиқариш заводларини лойиҳалаш, қурилиш, фуқаролик ва саноат муҳандислиги, логистика, менежмент ҳамда ихтисослашган ходимлар томонидан тақдим этиладиган техник маслаҳат хизматларини кўрсатиш билан шуғулланади.

Учрашувда Сурхондарёда 220 млн евро миқдорида тўғридан-тўғри хорижий инвестиция жалб этиш эвазига йилига 1 млн тонна портландцемент ишлаб чиқариш қувватига эга завод қуриш, қурилиш учун Шеробод туманида 250 гектар ер майдони ажратиш масалалари, шунингдек, лойиҳа доирасида хорижий компанияга бериладиган солиқ, божхона имтиёзлари ва бошқа преференциялар ҳақида фикр алмашилди.

Янги заводни 2023 йилнинг 1-чорагида ишга тушириш режалаштирилмоқда. Завод 500 кишини иш билан таъминлайди.

LEAVE A RESPONSE

Email manzilingiz chop etilmaydi. Majburiy bandlar * bilan belgilangan